易攝網

 找回密碼
 註冊
搜索
查看: 3085|回復: 11

零下二十五度 旅行+攝影 行李如何取捨?

[複製鏈接]
發表於 2015-10-20 10:02:04 | 顯示全部樓層 |閱讀模式
一月份自由行去東北三省一星期

期間要行走冰面

想帶24-70 and 70-200 +腳架

用幾大既背囊好?

同埋攝影器材同保暖衣物之間應該點平衡?

係咪一定非$3,999既哥倫比亞反射衣不可?

發表於 2015-10-20 14:53:53 | 顯示全部樓層
帶多兩舊電.......
發表於 2015-10-20 17:09:21 | 顯示全部樓層
pelican 1510
發表於 2015-10-23 19:40:04 | 顯示全部樓層
我有一年聖誕去霸上,最凍有零下38度。最凍時,羊毛底加羽絨(比找毛好)再加防水防風外套。綿褲+雪褲。當地買的雪鞋。

點評

感謝!!  發表於 2015-10-24 10:41 PM
發表於 2015-10-28 15:22:08 | 顯示全部樓層
師兄, 睇你點影啦, 不過以個人意見, 少少分享. 我自己喜歡戶外運動, 亦喜歡

攝影, 我不是發燒友, 只是有點喜歡. 如果去凍既地方, 要長期逗留在戶外, 有

兩方面分享:
1. 攝影裝備

A. 全幅機基本上頂到嚴寒, 有風除外, 帶多幾舊電, 而且確定你在腳架換電時,
係可以不除快拆都可以開蓋換電, 咁會方便D.

B. 仿間有D相機保暖套, 將成部機包實連埋兩隻厚厚的手套筒比你放隻手入去控
制部機. 如果長期逗留在戶外, 必要的. 鏡頭的要用布包著機身, 仿間亦有鏡頭
套的 (好像影雀戈D迷彩套都可以了), 防寒亦防水氣. 防水氣比較緊要, 我試過
水氣入鏡, 因為鏡用左咁耐唔多唔少都有D塵, 塵撈埋水氣, 變左泥, 仲有磨砂効
果, 尼個時候再zoom支鏡多幾次, 就磨爛入面D零件, 上次我係磨到原廠話入面粉
碎! 係粉碎! 所以, 防水氣好緊要, 尤其部機凍完再入室內溫暖地方的溫差.
有師兄直頭放個發熱貼入去, 我覺得可參考.

C. 背包就按裝備而定, 並要預留空間放自己其他裝備. 最好帶支鎖匙扣的電筒.
在冰天雪地影夜影不錯的! 所以電筒都重要, 但不需要太光. 背包外要有防水的
背包套, 方便放在地上唔怕整濕個裝.

D. 唔用著既電一定要放貼身, 保暖.

E. 帶備一塊約1m x 1m的毛毯, 換鏡時包著鏡同機. 太凍亦可保暖.

2. 個人裝備

A. 褸: Columbia不是首選, columbia已經商業化了, 著重外表多於實用性. 其他
品牌如 Teva , The North Face和 Fjallraven 都是戶外專業的外套, 但都要
3000-5000, 但比Columber同樣價錢的, 好很多, 輕很多, 實用性強很多. 而且在
澳門找到, 其他還有HH都很多, 但連香港都不多. 以選擇外套, 你應該要選兩層
的, 即內層保暖層(以厚找毛或羽絨較合適, 此層作為保暖), 外層防風層(要薄而
且真正防風, 最好有埋防水, 外層底下及手袖最好有索口, 以防有風入身體.)

B. 衣服, 即除褸以外, 穿在身上的衣服, 上限為3件, 1是防寒內衣;2是羊毛或爪
毛或其他貼身內衣;3是見人的面衫. 此三件要選透氣的, 簡單說就是純綿, 不要
太多尼龍及滌尼龍, 面衫同樣不要多花的, 因會阻礙透氣, 記著越透氣越保暖.

C. 褲, 如在冰雪面停留很久, 要跟褸一樣, 兩層的, 一是保暖的, 二是防風防水. 因腳不會像身一樣有其他內衣, 所以防風好緊要, 我試過冇著防風褲, 結果貼大脾戈兩張發熱貼都凍到熄左. 保暖褲可在義字街找到. 防風褲要在拱北地下商場的戶外用品專門店.

D. 鞋, 跟其他講一樣, 到當地買雪BOOT, 澳門買最少$1500, 當地$200. 用完即棄. 另如果在雪地或冰地步行, 可在淘寶買釘鞋底, 佢好手機套咁套著鞋底, 而佢下面係有釘的, 可在冰面上行走, 咁就唔駛買多對釘鞋.

E. 其他. 帽, 眼鏡, 手套, 頸巾, 耳罩, 要帶是常識吧. 口罩最好攞埋去先, 可唔戴帶唔好戴, 就算戴都要買戶外運動那種, 因為戈D會吸收水份, 如果用普通口罩或項頸巾當口罩, 你每一下呼氣的水份會直上眼鏡, 眼鏡變矇.

F. 暖水壺, 畢竟我們南方人耐寒不及北方人, 保暖, 安全致上! 在戶外一定凍的, 飲淡熱水, 整個身會熱起來. 這時候你不會嫌棄佢的. 而且人點會要飲水的. 暖水壺放剛燒好的滾水, 有薑茶仲好, 身會發滾的. 記緊不要令自己口乾, 人失去水份2%會感到口乾, 在冰天雪地失去水分4%的話隨時暈低, 所以不能令自己感到口乾, 口乾必須飲水.

G. 潤膚膏, 男人通常唔用的, 但去到戈度, 最好有. 東北好乾, 乾到痕的. 而且腳趾會出汗, 會"UP"爛趾的, 我每次去東北都每晚茶腳 (在澳門我什麼都不茶的).

以上是在戶外長時間逗留的經驗, 可能誇張左, 但我覺得這是安全且必須的.
你會否影冰雕? 有部分冰雕的地方, 黃昏時會去到-40度的, 但黃昏是最漂亮的. 所以不要勉強, 身子緊要. 以及會否有其他人同行? 如果對方不是攝影人, 佢在此冰天雪地會好難受的, 要顧及佢感受.

希望師兄有好相片回來.

評分

參與人數 2EC分 +5 收起 理由
燚樂 + 4 熱心幫人
jose1057 + 1 熱心幫人

查看全部評分

發表於 2015-10-28 20:47:34 | 顯示全部樓層
真的沒那麼誇張... 我老婆是哈爾濱人, 那裡城市里冬天大概和加拿大差不多, 穿一件冬天外套如canada goose or moncler or northface再加比較厚的褲子和比較保暖的鞋子和手套就可以了.  東北三省不是北極.
發表於 2015-10-29 02:08:12 | 顯示全部樓層
衫方面
最經濟﹕去淘寶搵"蜘蛛"雪褸、雪褲  成套唔駛人仔300,人地冬天去壩上 最凍-40都係買佢
入面再着厚羽絨、防寒底果d

一定要帶個保暖壺,隨時都有熱水飲


ps 第5帖回覆非常詳細,老鼠仔一定要睇多幾次 好好研究
發表於 2015-10-29 09:36:06 | 顯示全部樓層
inzite 發表於 2015-10-28 08:47 PM
真的沒那麼誇張... 我老婆是哈爾濱人, 那裡城市里冬天大概和加拿大差不多, 穿一件冬天外套如canada goos ...

AGREE
發表於 2015-10-29 11:35:49 | 顯示全部樓層
熱心幫人
發表於 2015-10-29 11:38:33 | 顯示全部樓層
inzite 發表於 2015-10-28 08:47 PM
真的沒那麼誇張... 我老婆是哈爾濱人, 那裡城市里冬天大概和加拿大差不多, 穿一件冬天外套如canada goos ...

因為我以我在雪地上露營的經驗分享一下. 而且唔知樓主會在雪地停留幾耐. 所以講得比較詳細.
發表於 2015-10-29 11:59:49 | 顯示全部樓層
lawrencekuan 發表於 2015-10-29 11:38 AM
因為我以我在雪地上露營的經驗分享一下. 而且唔知樓主會在雪地停留幾耐. 所以講得比較詳細.
...

是的如果是長時間在野外的話你說的絕對是非常好的建議. 關於腳趾出汗的問題很有可能是鞋太小/太緊了所以空氣在鞋裏循環不好導致這樣的情況另外就是鞋子質量的問題了.
發表於 2015-10-29 16:56:40 | 顯示全部樓層
inzite 發表於 2015-10-29 11:59 AM
是的如果是長時間在野外的話你說的絕對是非常好的建議. 關於腳趾出汗的問題很有可能是鞋太小/太緊了所以 ...

個個人體質唔同,有人本身腳汗多

琴晚剛好同去過壩上的朋友吹過水,佢上次出發前,有人建議墊塊M巾吸汗,因為怕出汗 ....
但佢話幾日對腳都好乾爽

如果老鼠仔係腳汗多GE人,不妨考慮問老婆攞幾塊M巾或護墊



PS. 濕凍同乾凍都係好唔同
早幾年 響雲南 0度 時着ge衫,返到澳門10度已經全套着哂上身.....我比較怕凍
您需要登錄後才可以回帖 登錄 | 註冊

本版積分規則

小黑屋|Archiver|手機版|易攝網  

GMT+8, 2024-3-29 10:22 PM , Processed in 0.089101 second(s), 25 queries .

Powered by Discuz! X3.2

© 2001-2013 Comsenz Inc.

快速回復 返回頂部 返回列表